Давлат солиқ қўмитаси раиси Шерзод Қудбиевнинг сув ва салқин ичимликлар ишлаб чиқариш билан шуғулланувчи корхоналар раҳбарлари билан учрашуви бўлиб ўтди.
Ушбу учрашув International Beverages Tashkent (Pepsi) компаниясида ташкил этилди. Унда Ўзбекистон безалкогол ичимликлар ва соклар ишлаб чиқарувчилари ассотсиатсияси, “Asl belgisi” маҳсулотларни маркировкалаш ва кузатиб бориш миллий ахборот тизими, ҳамда маркировка тизими сервис-провайдери — “ERA” МЧЖ вакиллари иштирок этдилар.
Тадбир доирасида маркировкаланган маҳсулотларни агрегация қилиш тизими билан боғлиқ масалалар муҳокама қилинди, шунингдек, юзага келаётган айрим муаммолар ва уларни ҳал этиш йўллари бўйича таклифлар билдирилди.